احكام الحج والعمرة بلغة التشام

 بسم الله الرحمن الرحيم                                                  

    المحدلله القائل : ولله على الناس حج البيت من استطاع اليه سبيلا.

 ولصلاة والسلام على من قال . ياأيهاالناس . إن الله قدكتب عليكم

 الحج فحجوا . وعلى آله وأصحابه أجمعين

    أمابعد . دغاي تهاو بلوه يألايء . واجب دڠؤغيل۲ غاڠ اسلام كوڠ مكلف

 نن هسا چاؤناوڠأحاج دبيت الله الحرام . يهلايء كواس ناوتل . كيواڠأحاج

 نن هسا مڠ روكن اسلام يڠكلماٛ .

    دان غاڠ حلاى كوڠ پوكواس ناڠأحاج دان عمرة نن واجب بغاي پوفسمفرنا  حاج دان عمرة پو . ياوكا الله هوهى فرمان لائ :                                                                    ﴿وَأَتِمُّواالْحَجَّ وَالْعُمْرَةَلِلّهِ ﴾ 

    معناپو : دان فسمفرناوئ عبادة حاج دان عمرة نن كران الله تعالى .

    يعني واجب بغاي ڠأحاج دان عمرة نن هوڠ چاؤ دان سمفرنا روكن پو ,

 شرطپو , واجب پو دان سنة پو سبب ياو نن . دلاو مڠ تل ناو موه لبئ ڠأ

 حاج دان عمرة . مك سغم مڬووئ . هدوم۲ حكومپو . تؤ هو صح حاج دان

 عمرة نن . تماٛدالم حاج كوڠ مبرور .  

حكوم ڠأ حاج دان عمرة

     جاج دان عمرة نن . مدا لو۲ روكن پو. واجب پو , شرطپو دان سنة پو .  دان  ڬائ مدا حرام ڠأ فكا مناٛڠ ددالمپو .

      روكن حاج مدا 6 فكا

                •  نية ڠأ حاج دان إحرام پو

                •   وقوف دوال عرفة     

                •   طواف بيت الله الحرم

                •   سعى انتارا صفا دان مروة

                •   ݘكؤ فوؤ اتو كواه قأ

                •   ترتيب فأ روكن مناٛڠ

                                                    واجب ڠأ دالم حاج مدا 6 فكا

                •   نية إحرام ڠأحاج موه ميقات ( لبئ نية             •   دؤ بيل مالم دمِنَى فأ هغاى تشريق

                •   دؤ بيل مالم دمزدلفة

                •   ڬلوم ڬول 3 بوه غيل۲ هغاي تشريق   

                •  ڬلوم ڬول جمرة العقبة

                •  فداٛه ڠأ فكا كو ڠ حرام ڠأ پو دالم كبو ڠ  إحرام

       يهلائ لواى ڠأهسـا۲روكن . تنتو صح او حاج پو دان يهلائ لواى ڠأ

 هسـا۲فكا واجب . مك صح مين حاج پو سـبئ هوڠ دوسـا . دان واجب

 دَمْ . ياو ننغاي ڠأ هسـا۲ فكا كوڠ غاڠ كهأ . قاواجب دَمْ غاي.

      روكن عمرة نن 5 فكا

              •    نية عمرة دان إحرام پو                 

              •    طواف بيت الله الحرام

              •    سعى انتارا صفا دان مروة      

              •    ݘكاؤ فوؤ اتو كواه قأ

              •    تر تيب هدوم۲ روكن نن

       واجب ڠأ دالم عمرة مدا 2 فكا

              •   نية ڠأ عمرة دان إحرام نن موه ميقات

              •   فداٛه ڠأ فكا كوڠ غاڠ كهأ دالم بيل إحرام.

       جنيه حاج مدا 3 جنيه

              •   حاج إفراد . پونن حاج دان عمرة ڠأ بيل كغاي دڬاؤ دان عمرة نن    ڠأ هو  كين دالم بولن حاج او .

              •   حاج قران . پونن حاج دان عمرة ڠأ بولن هو ڠڬؤ دان هسـابيل     سبىئ  هوڠڬؤ .

              •  حاج تَمَتُّعْ . پونن ڠأ عمرة دلاو دان ڠأ حاج هداى عمرة               دالم بولن حاج .

           مك دغاي كوڠ دؤ أته مڠ فلاى مكه . دان سـقسـاناوماى نن .

   ݘاؤ ڠأ تواى اتواى اتوران حاج تمتع . ياو كاهدوم۲ جماعه حاج دغاي

   كوڠ ڠأتغوه ماى بلوه غيل۲ جماعه حاج دغاي كوڠ ڠأ تغؤ ماي بلوه

   غيل۲ تهون نن.

         فكا۲ كوڠ حرام ڠأ پو بيل كبوڠ إحرام :

                •     لـكاى۲ جواى ڬوم قأ اتو ڬوم هسـيت مڠ قأ . ياوكا مئوم كهن .    تواء كفيه . ڬوم قأ مڠ ڬئ۲ . دان غاڠ هو كهأ او . دؤ ملا حلواى .                ملا فايوڠ  اتو كغاي۲

                •     ڠواي ݘؤ كهن كوڠ مدا سغوؤ , مدا ݘهئ فأ لكاى۲ , ياوكا      كهن سڠوڠ , ݘفها , عآو , سغوڠ لىٛ , دان كغاي۲ .

                •     كماي۲ جواي ڬوم فوٛء .

                •     جواي ݘوء سغوم تڠين فأ لكاى۲ .

                •     جواي فداغ فكاباوفهاٛ . سمومدا دغوب سئ اتو كهن عآو           اتو دالم مكانن بڠ مپوم .

                •     جواي لؤ مپاٛء دفوؤ قأ اتو بلاو كآڠ .

                •     جواي ݘكاؤ اتو بوائ بلاو۲ دغوب سـئ .

                •     جواي ݘكاؤ ككاو تڠين اتو ككاو لىٛ

                •     جواي تغىٛء اتو بوائ اتو فئ فهون مياو , دهان كياو كوڠ تموه      دالم تانه حرام مكه نن .

                •     جواي فمتاي بناتڠ كوڠ حلال بڠ , اتو فبناس پو.

                •     جواي عقد نكاح , إيجاب قبول , سمومدا نكاح غوب إيڠ , اتو      ڠأ والى إيڠ     اتو تدوال واكيل مڠ غاڠ كغاي .

                •     جواي ماٛء سـفاى سوكا هوڠ ديؤ , ياو كا كوݘوف ݘوم , دان      كغاي۲  كوڠ ڠأبغاي فسغاٛق نفسو .

                •    جواي روام دمنيق ديه دؤ هوڠ ديؤ (جماع)

    توڠبيه نى . واجب فأته دان فداٛه ڠأپو .   

       اتوران ڠأ حاج دان عمرة . دان حكم۲ پو

         أول فبيه ݘب فداٛم ڠأ حاج نن . واجب بغاي ڠواي كهن إحرام        سمغب لكاي۲ . دان بية ڠأ حاج دان إحرام نن .

    تتافى دلاو مڠ ڠواى كهن إحرام . سنة ڠأ هدوم۲ فكا ياوكا مدا دملانى :-

               •       ݘكاؤ ككو تڠين دان ككو لىٛ .

               •       كواه بلاو۲ كوڠ مدا دڠؤغوب سئ , ݘكاؤ ففنآء بلاو فيؤ ,

   بلاو كآڠ , دان فوؤدقأ .

               •       مناي ايا سنة إحرام . بغاي نية لائ , كاو مناي ايا سنة إحرام

   كران الله  , دان مناي فصب ايا دغوب .

               •       ڠواي ݘوء كهن إحرام سبؤ فتيه .

               •       سمبهيڠ سنة إحرام دواركعة , نية لائ :

           "  كاو سمبهيڠ سنة إحرام دواركعة كران الله تعالى "

       نية ڠأ حاج دان إحرام پو

               •      هداي مڠ ڠواى كهن إحرام بلوه , مك هو نية ڠأ حاج .

               •      نية ڠأ حاج نن , واجب نية موه ميقات . پو نن لبئ

  سمغب نية ڠأ حاج .

               •      نية ڠأ حاج دان إحرام پو نن لائ ( نية دالم هتاي ) :-

             " نَوَيْتُ الْحَجَّ وَأَحْرَمْتُ بِهِ لِلَّهِ تَعَلَى "

    كاو ڠأ حاج دان كاو إحرام پو كران الله تعالى .

         •     هداي مڠ نية بلوه , حرام ڠأ فكا كوڠ غاڠ كهأ دالم إحرام .

             •     بيل نية بلوه ياٛ , سنة بغاي بايك تلبيه هوڠ سب كهڠ لحوت      تواى  جالن هڠك تماٛ فلاي مكه , پو نن .

    " لَبَّيْكَ اللَّهُمَّ لَبَّيْكَ . لَبَّيْكَ لاَ شَرِيْكَ لَكَ لَبَّيْكَ إِنَّ الْحَمْدَ ,

      وَالنِّعْمَةَ , لَكَ وَالْمُلْكَ لاَ شَرِيْكَ لَكَ " .

     طواف قدوم

     هبيانلاي مسـافر تماٛ تل فلاي مكه ياٛ , دان هداي مڠ جماعة حاج نن ماٛء   دغب اغ ناو مغياه دلبئ سمنأ بلوه ياٛ سنة بغاي ناو طواف  قدوم دبيت الله      توجه بڠ , هوڠ بغاي نية لائ ( يعني سنة نية لائ )   :

    " هي فو كاو , كاوطواف بيت الله توجه بڠ . طواف قدوم مك هاٛ ففوان

  ككاو حآى , دان تدوال ماٛء مڠ كاو حآى , كران الله  تعالى " .

     ڠأ عمرة دان إحرام پو

     هداى مڠ طواف قدوم بلوه . مك ݘاؤ جڬا روڠ ݘم تل خغاي ڠأ حاج ,

   دالم بيل نن , ݘاؤ بغاي ڠأ عمرة سمغب غوب ايڠ , دان عمرة سمغب غاڠ

   كغاي كوڠ صح دغاي ڠأ بغاي نن , مك عمرة غوب ايڠ هو ݘآڠ نية

   إحرام أو , كيوا نية دلاو بلوه موه ميقات نن , دان دغاي كبوڠ إحرام

   ياو كوڠ دالم بيل نن .

     داٛ مباي تماٛ إحرام كاغوب ايڠ نن , بغاي تماٛ ياو دملانى :-

              •      ناو طواف بيت الله توجه بڠ طواف , سنة نية لائ :

   " هى فو كاو , كاو طواف بيت الله توجه بڠ , طواف عمرة , مك هاٛ ففوان

     ككاو حآى دان تدوال ماٛء مڠ كاو حآى كران الله تعالى "

              •      هداى طواف بلوه , بغاي سعى دانتارا صفا دان مروة توجه بڠ

  ناو دان مآي , سنة نية لائ :

      " كاو كهن سعى انتارا صفا دان مروه توجه بڠ سعى عمرة

        كران الله تعالى "

             •      هداى مڠ سعى بلوه , واجب بغاي كواه قأ اتو ݘكاؤ فوؤ . موه     مروه .  بيه تكئ پو ݘكاؤ كلاو غأ فوؤ كيوا تَحَلُّلْ .

         هداى ݘكاؤ فؤ بلوه , هاروس ياٛ دغاي سواء كهن إحرام نن , دان    ڠواى  ݘؤ كهن عآو تهومدآواٛء . دان هو حرام او غاي , ڠأ فكا كوڠ حرام دالم إحرام دلاو نن .

     يهلائ كهين ڠأ إحؤام دالم عمرة بغاي كا غاڠ كغاي ڬائ , ݘاؤ ڠواى

  إحرام هبڠ بغا . دان دئ لآن ناو نية ڠأ عمرة بغاي كا غاڠ نن موه مسـجد

  تنعيم . اتو موه جعرانه .

     هداي مڠ نية عمرة دان إحرام مكنى نن بلوه . مك بغاي ناو طواف

  بيت الله توجه بڠ , دان سعى توجه بڠ , سبئ هوڠ كواه قأ , اتو ݘكاؤ فوؤ

  كيوا تَحَلُّلْ ڬائ .

     هداي مڠ نن , هاروس ڠواى ݘؤ تهومدا واٛء , ياو ننيه .

      اتوران ڠأ حاج

       جيا تهومدا , غيل۲ جماعة حاج كوڠ ناو تل مكه نن , دؤ جڬا دان ݘآڠ

  تل هغاي كوڠ واجب ڠأ حاج , مك بيل نن فهوڠ جماعة حاج نن , ڠأ عمرة

  توان ناؤ۲ بغاي كا غاڠ  كغاي كوڠ واصية اتو كغاي۲ . هفك فياه تماٛ حاج نن

  مك هغاي۲ كوڠ ݘاؤ ڠأ حاج . ياو دملاني :-

     هغاي 8 بولن ذى الحجة

      جيا تهومدا . جماعة حاج تبيأ مڠ مكه ناو دؤ دمنى دالم هغاي 8 بولن

  ذى الحجة ني , دان ديه مالم دمنى نن هوڠ دكا هو ڠأ ڬئ او دالم               هغاي نن  .

         ⚝   دلاو مڠ تبيأ مڠ مكه ناو منى . واجب بغاى ڠأ ياو ملاني :-       

               •     ڠأ هدوم۲ فكا كوڠ سنة بغاي ڠأ پو دلاو مڠ ڠواى إحرام .

               •     ڠواى ݘؤ كهن إحرام .

               •     نية ڠأ حاج دان إحرام پو , واجب نية لائ :

           ( نَوَيْتُ الْحَجَّ وَأَحْرَمْتُ بِهِ لِلَّهِ تَعَالَى )

       كاو ڠأ حاج دان كاو إحرام پو كران الله تعالى .

                •       سنة نية موه كپآن سـاڠ سمنأ , دان هداي مڠ نية بلوه .

   مك مسـافر تبيأ مڠ مكه ناو منى , دان ڬائ حرام ڠأ هدوم۲ فكا كوڠ

   شرع محرام ڠأ دالم إحرام نن . دان ڬائ سنة فلو۲ ذكر تسبيح دان دعاء۲

   دلبئ منى نن .

      هغاي 9 بولن ذى الحجة

          تسـوب هغاي 9 بولن ذى الحجة ني , جماعة حاج ݘاؤ تبيأ مڠ منى

  ناو وقوف دوآل عرفة .

          •    تماٛ وقت وقوف نن . هداي مڠ تماٛ وقت ظهر بلوه .

  هڠك فياه تماٛ فجر مالم هغاي 15 ( مالم راي حاج )

          •    صح وقوف ياٛ . هوڠ دؤ دالم وآل عرفة , ولو فون بيل تكئ كديه

     سنة بيل وقوف

               •    سنة بغاي هو ايا سمبهيڠ , دان هݘيه مڠ نجس دان فلك فلوه .

          •    سنة بغاي فلو۲ ذكر , ياوكا بايك قرآن , استغفار

  بايك تلبيه دان لكاو دعاء .

          •   أفضل پو , تبيأ مڠ عرفة واٛء نن هداى مڠ ايا هغاي تماٛ بلوه .

     مالم دى 15 بولن ذى الحجة

          •    مالم راي حاج 15 بولن ذى الحجة نن – تلوب مڠ عرفة

   ناو وآل مزدلفة .

          •   دؤ سمنأ دبيل مالم دالم وآل مزدلفة نن ولوفون هسفوق كديه .

          •   سمبهيڠ مغرب فطام هوڠ عشـاء جمع تأخير دموه نن .

          •   دوان بوه غديه لبه كغاڠ 70 سـاڠ مغياه ڬلوم ڬول موه لبئ نن .

              •    سنة فلو۲ ذكر دان دعاء موه وآل مزدلفة نن .

          •    سنة تبيأ مڠ مزدلفة واٛء هداي سمبيڠ صبح بلوه فأغاڠ حلاي

    كوڠ سوق فهياب سيام هو فغاٛن پاوا .    

                 هغاي 10 ذى الجحة (هغاي راي حاج

              •    هداي مڠ سمفرنا دؤمالم دمزدلفة بلوه . ݘاؤ تبيأ ناو منى واٛء .

    كيوا ڬلوم ڬول جمرة العقبة .

          •    وقت ڬلوم ڬول جمرة العقبة نن . فداٛم مڠ بيل دلاو فجر مالم راي

    هڠك ايا هغاي تماٛ هغاي 14 بولن ذى الحجة ( أخر هغاي تشريق )
          •    وقت كوڠ سنة ڬلوم ڬول نن . هداي مڠ ايا هغاي فݘه بلوه ,

    هوڠ واجب بغاي ڬلوم توجه سـاغ بوه غديه .

          •    بيل ڬلوم ڬول جمرة العقبة نن . بغاي فىٛ غوڠ ڬه قبلة .

      تَحَلُّلْ أول هوڠ كواه قأ اتو ݘكاؤ فوؤ

             هداي مڠ ڬلوم ڬول جمرة العقبة سمفرنا بلوه هاروس تحلل أول .

    پونن كواه قأ اتو ݘكاؤ فوؤ دالم هغاي 10 ذى الحجة نن .

            دان هداي مڠ كواه قأ اتو ݘكاؤ فوؤ بلوه ياٛ , مك هاروس غاي

    سواء كهن إحرام . دان ڠواى ݘؤ كهن عآو تهو مدآواٛء . دان هو حرام

    ڠأ أوغاي فكا كوڠ غاڠ كهأ دالم إحرام نن . ملينكن ماٛء سفاي سوكا هوڠ

    ديؤ كوڠ فسغاٛق دان جماع . دان إيجاب قبول عقد نكاح نن مين .

              طواف إفاضة

              هداي مڠ ڬلول ڬول جمرة العقبة بلوه . دان هداي مڠ كواه قأ اتو

    ݘكاؤ فوؤ تحلل بلوه نن . 

مجلس الأعلى لشؤون الإسلام فى كمبوديا 

http://mufticambodia.blogspot.com/2012/09/normal-0-false-false-false-en-us-x-none_4579.html